Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents EnergiaEngel, Simon lemma sequent

Engel, Regula
 * 5-3-1761 a Fluntern (oz vischn. polit. da Turitg), † 25-6-1853 a Turitg, ref., da Pralung. Figlia da Heinrich Egli, anteriur uffizier en l'armada prussiana ed adjutant a Turitg, e da Katharina n. Egli (divorzi 1764). ∞ 1778 Florian E., mercenari en in regiment svizzer. E. ha accumpagnà ses um en sias campagnas militaras en l'Europa, Egipta e Palestina. Ella ha parturì 21 uffants. Ses um e dus figls èn crudads en la Battaglia da Waterloo (1815). Da return en Svizra, è ella vegnida dependenta da parents ed enconuschents. Per gudagnar il paun da mintgadi ha ella publitgà il 1821 «Die Lebensbeschreibung der Wittwe des Obrist Florian Engel von Langwies», cun ina cuntinuaziun edida il 1828. E. è morta a l'ospital, paupra sco ina mieur-baselgia. La descripziun da sia vita è vegnida reedida repetidamain e  translatada tr.a. era en rumantsch.


Ovras:
Frau Oberst E., 1992 (cun epilog; transl. rum. da G. Deplazes, en: Cal. Rom., 2000, 192-250; 2001, 240-334; 2002, 184-221).

Litteratura:
G. Grischott, Ein Frauenschicksal in den napoleonischen Kriegszeiten, en: BJb, 1965, 111-23.

Doris Stump

lemma precedents EnergiaEngel, Simon lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: