e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fidelis von Sigmaringen Fieras  Fient, Georg * 30-4-1845 a Pany (vischn. da Luzein), † 5-9-1915 a Cuira, ref., da Luzein. Figl da Nicolaus, pur, e da Barbara n. Heldstab, da S. Antönia. ∞ 1) 1873 Annette n. Roffler, da Luzein, figlia da Thomas, pur, 2) 1889 Margreth n. Badrutt, da S. Peder, figlia da Johann, pur. Seminari scolastic a Cuira, alura magister a Trin, Cuvlignas, Cuira, Eichberg/SG ed a partir dal 1866 a la Musterschule a Cuira. Secretari da la Regenza grischuna 1881-91, directur da la Chanzlia chant. 1891-1912. Gronda influenza politica, o.t. tras sia activitad schurnalistica, tr.a. sco redactur dal «Bündner Volksblatt», da la «Prättigauer Zeitung» e dal «Graubündner Generalanzeiger». Autur daventà popular tras sia monografia «Das Prättigau: ein Beitrag zur Landes- und Volkskunde von Graubünden» (1896), sias descripziuns da viadis ed observaziuns, ma surtut era tras sias «Lustig G'schichtenä» (1898), ina collecziun d'istorgias fitg originalas en il dialect dal Partenz.    Litteratura: C. Tarnuzzer, Kanzleidirektor Georg F., en: BM, 1916, 172-77; Bedeutende Bündner 2, 201-06. Otto Clavuot  Fidelis von Sigmaringen Fieras  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: