Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FrontissemFryberg lemma sequent

Fry, Carli
* 4-11-1897 a Mustér, † 29-11-1956 a Mustér, cat., da Mustér, burgais d'onur da Trun 1954. Figl da Gion Battesta, scrinari, e da Basilissa n. Deflorin, da Mustér. Gimnasi a Mustér e Sviz, Seminari da spirituals a Cuira, primizia 1921, alura chaplon a Cavardiras/Mustér. Studi d'istorgia e litteratura a Friburg 1927-29, dr.fil. cun ina lavur davart Giovanni Antonio Volpe. Da flaivla sanadad è el stà benefiziat al sanctuari da S. Maria da la Glisch sur Trun il 1929-54. Autur da lirica («Sur la seiv», 1938; «Striaunas», 1955) e prosa rumantscha. Plinavant ha el translatà ed elavurà prosa lad. («Don Robur», da Men Gaudenz), tud. («Il casti da Borodin/Die Ahnfrau» da Franz Grillparzer), tal. e franz. («La matta dils egls claus») sco era lirica («Ada», chanzuns dad E. Geibel/cump. da Duri Sialm) ed ovras dramaticas. Pliras da sias poesias èn vegnidas messas en musica, p.ex. «L'olma» (Duri Sialm). Fundatur e redactur da la «Tribuna romontscha» (1930-53), 23 onns redactur dal «Pelegrin». Sco schurnalist («Gasetta Romontscha»), scriptur e publicist scientific ha F. giugà durant 30 onns ina rolla impurtanta en la furmaziun da l'opiniun politica e religiusa da la part cat. dal Grischun. El ha simpatisà cun il reschim autoritar da Mussolini. Il 1949 ha el obtegnì il dr.teol. h.c. da l'Univ. da Friburg per sia translaziun dal NT. Undrà en il Curtin d'honur da la LG a Trun.


Archiv:
Aclaustr. Mustér.

Ovras:
La Consolaziun dell'olma devoziusa, 194110; Kaspar Decurtins, 2 ts, 1949-52; Ovras, 5 ts, 1954-62.

Litteratura:
Deplazes, Funtaunas 3; LTS, 651 s.

Adolf Collenberg

lemma precedents FrontissemFryberg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: