e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gronda Britannia Grotta  Grono Vischnanca polit., cirq. Roveredo, distr. Moesa, situada sin la spunda dretga da la Moesa a la sbuccada da la Val Calanca. 1219 Grono, 1395 Agrono. 1773 296 abit.; 1850 517; 1900 484; 1950 528; 2000 916. La vischnanca appartegneva al vicariat ed a la squadra da Roveredo. Il 1799 è vegnida installada ina planta da la libertad. Ecclesiasticamain suttasteva G. al chapitel da S. Vittore, il 1521 è la vischnanca daventada ina plaiv autonoma. La baselgia da S. Clemente, menz. il 1219, è vegnida restaurada en ils onns 1935 e 1978. La Torre Fiorenzana, erigida prob. a la fin dal 12. tsch., è in edifizi da tschintg plauns cun in plan rectangular. Ella era en possess dals de Sax ed è stada il 1406 il lieu da l'assassinat ad Albert de Sax. Restaurada il 1977, è ella oz en possess dal Museo Moesano. Il Palazzo Togni (u Ca' Rossa), construì il 1721, è stà fin il 2004 la sedia da la secziun moesana da la PGI. L'agricultura a G. è quasi sparida en favur da div. interpresas industrialas pitschnas e d'in ospital. Il 2000 lavurava mo ca. la mesadad da la populaziun activa en la vischnanca sezza. Litteratura: G. Tognola, G., antico comune di Mesolcina, en: QGI, 26-27/1956-57, 44-56, 112-20, 174-84; Clavadetscher/Meyer, Burgenbuch, 258 s.; E. Agustoni, Guida all'arte della Mesolcina, 1996, 76-93. Cesare Santi  Gronda Britannia Grotta  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: