e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mazina, Janut Mazio, Domenico  Mazio Famiglia da Roveredo attestada per l'emprima giada en il 14. tsch. ed extinguida en questa vischnanca tr. la fin dal 18. tsch. e l'entsch. dal 19. tschientaner. Tr. ses members figureschan notars sco Giovanni Pietro, podestat a Tiraun dal 1571-73, constructurs ed architects sco Domenico e Pietro, activs en Germania da la fin dal 17. tsch. fin la mesadad dal 18. tsch., ed intgins plevons. Il commerziant Giacomo († ca. 1720 a Roveredo), è attestà a Roma il 1667; el è stà prob. quel ch'ha transferì il medem onn las reliquias da s. Doroteo en la baselgia da S. Anna a Roveredo. Dus da ses figls, Gian Federico (1671-1732) e Gian Giacomo (* 1684), contabilist al Monte di Pietà, èn sa stabilids definitivamain a Roma. Giacomo (1720-93), figl da Gian Federico creschì si tar l'aug, è vegnì nominà dal papa il 1749 surintendant general da la zecca pontificala; en quella carica al è suandà ses figl Francesco (1768-1852). Il poet rom. Giuseppe Gioacchino Belli è parentà da la vart da la mamma cun la fam. M.: il tat, Alessandro, era in frar dal Giacomo surmenziunà. Litteratura: S. Rebecchini, Gli ultimi "zecchieri" dello Stato Pontificio: i roveredani M., en: Strenna dei Romanisti, 1972, 302-12; C. Santi, Famiglie originarie del Moesano o ivi immigrate, 2001. Redacziun  Mazina, Janut Mazio, Domenico  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: