e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Planta, Johann von (Wildenberg)
* ca. 1500 , † 31-3-1572 a Cuira, cat., da Zernez e Razén. Figl da Conrad Peter, chastellan sin la Fürstenburg e podestat da las Trais Plaivs, e dad Anna Maria n. von P. ∞ Anna Flandrina n. Tonina. Dr.iur.utr., vicari 1547-49, podestat a Murbegn 1551-53, guvernatur en Vuclina 1553-55 e 1567-69. A partir dal 1558 è P. stà possessur dal pegn dal chastè e dal signuradi da Razén ed ha acquistà il signuradi da Trin il 1568. P. valeva sco l'um il pli ritg e pussant en Rezia. L'autorisaziun dal papa Pius V da confiscar danovamain tut ils bains ecclesiastics dals uvestgieus da Cuira e Com sequestrads dals refurmads ha el nizzegià il 1571 per metter maun sin la prepositura da Tegl. Durant il sullevament suandant è P. vegnì sentenzià a mort e - malgrà la protesta da Confederads - decapità il 1572 tras ina dretgira nauscha a Cuira.
Litteratura:
Geneal. Planta, tav. 10/1; G. Bundi, Beiträge zur Geschichte des P.-Prozesses (1572), en: BM, 1916, 33-48; 1920, 73-79; HbBG 2, 100 s.
Hansjürg Gredig
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Planta, Johann Baptista von