e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Clugén
Anteriura vischn. polit., cirq. Schons, distr. Valragn. Fusiunada il 2009 cun la vischn. polit. dad Andeer. Vitg accumulà al pe da la Muntogna da Schons. 1243 de Cloduno. 1835 50 abit.; 1850 59; 1900 31; 1950 62; 2000 33. Gia a l'entsch. dal 13. tsch. terren colonisà ed urbarisà, cun allevament da muvel e cultivaziun da graun. Ruina dal chastè da Cagliatscha dal 13. tschientaner. Il 1204 è doc. per l'emprima giada ina vischnanca da purs libers sin la Muntogna da Schons cun in'atgna dretgira civila. Ils dretgs suverans en la val han exercità l'emprim l'uvestg da Cuira, alura ils de Vaz ed ils de Werdenberg e suenter il 1456 puspè l'uvestg da Cuira. Il 1458 è la Val Schons sa cumprada libra. Ecclesiasticamain appartegneva C. a S. Martin a Ziràn. La baselgia datescha dal 12. tsch. (evtl. S. Samplezi, menz. ca. 1500), las picturas muralas realisadas en il stil dal Maister da Vuorz da ca. l'onn 1350. Refurmaziun 1530. Dal 1627-1894 ha C. furmà ina plaiv ens. cun las vischnancas da la part sut da la Muntogna da Schons, fin il 1851 in vischinadi dal cumin da Schons ed ina dretgira civila cun Donat, Pazen, Farden e Casti. Access a la via chant. a Pignia Bogn 1951. Il 1981 ha la vischnanca purila, orientada vers Andeer, inizià la meglieraziun generala. Part da la populaziun da lingua rum.: 1880 100%; 1941 61.3% (LM); 2000 3.0%/15.2% (ML/Lindic).
Litteratura:
Kdm GR 5, 195-99; Gem. GR, nr 34, 1983; Clavadetscher/Meyer, Burgenbuch, 169 s.; Gem. GR 2003, 76.
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Club alpin svizzer (CAS)