e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pralung Preaz  Pratval Vischnanca polit., cirq. Tumleastga, distr. Rain Posteriur (avant il 2001 Mantogna), situada sin ina terrassa a l'ost dal Rain Posteriur, cun ils bains da Rapertg Grond, Rapertg Pitschen, Rietbach, Mühle e Hof. P. è la vischnanca grischuna cun la pli pitschna surfatscha (77 ha). 1506 Pradval. 1850 82 abit.; 1900 67; 1950 83; 2000 240. Il chastè da Rapertg dal 12.-13. tsch. era la sedia dals signurs dal medem num, pli tard tr.a. dals Salis e Plantas. Ecclesiasticamain appartegna P. da vegl ennà a la plaiv d'Almen. Refurmaziun a partir dal 1592. Part d'Almen fin il 1845, alura agen vischinadi entaifer il cumin da Farschno fin il 1851. L'allevament da muvel, la pumicultura e l'agricultura predominavan. Construcziun da la via charrabla 1895-96, meglieraziuns dal terren 1939-44 e 1967-68. P. è ina vischnanchetta senza atgna baselgia, scola, posta e butia; ella sto collavurar en blers reguards cun autras vischnancas. Il 2005 lavuravan 51% da las persunas cun activitad da gudogn a P. en il sectur primar, 43% en il sectur terziar (o.t. pendularis utrò). En ils davos onns ha sviluppà P., grazia a sia posiziun sulegliva, ina grond'activitad en il sectur da construcziun.  Litteratura: Kdm GR 3, 117-21; T. Kull e.a., P., 1983; Gem. GR, 2003, 244 s. Jürg Simonett  Pralung Preaz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: