e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schänni [Schenig, Seni, Sciano] Schatzmann, Rudolf  Scharons Vischnanca polit., cirq. Tumleastga, distr. Rain Posteriur (avant il 2001 Mantogna). Vitg a mantun situà sin ina terrassa bassa a dretga da l'Alvra e dal Rain Posteriur, cun ils aclauns da S. Agata, Stufels, Parnegl e Prin. 1200 agrum Schraunis, tud. Scharans (uffiz.). 1803 336 abit.; 1850 416; 1900 439; 1950 480; 2000 817. Scuverta da culegnas dals temps da bronz e da fier. In'anteriura ruina da chastè ha in connex cun il bain central episcopal. Enturn il 1250 era S. obligà a prestaziuns da transport. A la via (veglia) dal Meir per Vaz e per ils pass dal Güglia e dal Set sa chattava in post da duana. In'atgna plaiv è menz. il 1410, il patrocini da s. Maria il 1451. Refurmà a partir dal 1525-30. Ils da S. pratitgeschan anc oz surtut l'allevament da muvel e l'agricultura, pli baud faschevan els era da viticulturs e da pumiculturs. Fin il 1851 è stada la vischnanca in vischinadi dal cumin da Farschno. Il 1709 ha ella cumprà ora ils davos dretgs feudals episcopals. Construcziun da la via d'access al stradun en la val 1873. S. posseda duas chasas d'uffants. Gronda activitad da construcziun grazia a la posiziun d'abitar ruassaivla e sulegliva. Part da la populaziun da lingua rum.: 1880 70,3%; 1941 30,7% (ML); 2000 2,1%/5,0% (ML/Lindic). Litteratura: Kdm GR 3, 130-38; E. Messmer, Scharans, 1976. Jürg Simonett  Schänni [Schenig, Seni, Sciano] Schatzmann, Rudolf  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: