e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bossi, Johann Bott, Jakob  Bossi, Johann Georg * 10-8-1773 a Mon, † 9-1-1844 a Cuira, da Mon. Figl da Paulus Jakobus, pur, e da Maria Barbara Catharina n. Wiezel. Studis a Feldkirch, Ottobeuren (Baviera) e Milaun (Collegium Helveticum). Spiritual 1797, plevon a Mon 1799 e scolastic dal chapitel catedral 1826. Il 1834 è el vegnì nominà uvestg da Cuira e da S. Gagl, suenter la mort da Karl Rudolf Buol von Schauenstein. La Regenza grischuna ha renconuschì l'elecziun pir suenter che la sedia apostolica aveva separà ils uvestgieus da S. Gagl e da Cuira il 1836. Cunter la voluntad da B. ha la Regenza declerà la scola da mats, annectada al Seminari da spirituals da S. Gliezi, sco scola chant. catolica. B. ha scrit plirs cudeschs d'uraziun en rumantsch. In'apoplexia (1838) ha sfurzà el da restar per adina en la residenza episcopala da Cuira. A sia supplica repetida d'in coadjutur ha Roma aderì pir il 1843 cun nominar Kaspar de Carl von Hohenbalken. Litteratura: HS I/1, 502; I/2, 1019 s. Leo Ettlin  Bossi, Johann Bott, Jakob  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: