e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Blegn, Val dal Blumenthal, Moritz  Blumenthal L'emprim represchentant enconuschent da la fam. B. è Ru[dolfus], garant en il contract da pasch dal 1289 tr. il barun Heinrich Brun de Razén ed il chavalier Hartwig de Löwenstein. Ministerial derivant da la fam. nobla de Morissen. El residiava en la fortezza da B. a Degen, da la quala el ha adoptà il num e fundà qua tras la nova lingia dals B. de Morissen. Vers la fin dal 14. tsch. è sa furmada la nova lingia dals Vetten (Wetten). Sco ministerials da l'uvestgieu da Cuira en il temp medieval tardiv èn alura stads ils B., o.t. en il 18. tsch., savens mastrals e bandierels en la Lumnezia ed han occupà uffizis impurtants en la Republica da las Trais Lias ed en la LG. Els han fatg carriera militara o.t. en Frantscha, ma era en servetsch dal papa e da la Sicilia. Anc oz possedan ils B. il dretg da burgais da Degen, Morissen, Roten, Surcasti e Vella.   Litteratura: G. Wetten, Die Ahnen der von Blumenthal von Morissen, 1984. Duri Blumenthal  Blegn, Val dal Blumenthal, Moritz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: