e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caprez, Johannes Caprez, Ludwig de  Caprez, Ludwig de * 29-4-1727 a Trun, † 1-1-1808 a Trun, cat., da Trun. Figl da Ludwig, bandierel, e da Catharina n. Lumbriser. Il 1748 è C. entrà en la Guardia svizra en Frantscha. Il 1752 è el daventà segund, il 1758 emprim sutlitinent, il 1760 litinent. Recepziun en l'Urden da S. Luis 1763, colonel 1769, brigadier d'infantaria 1781, feldmarschal e relaschada 1788. Ils 7-3-1799 ha el cumandà cun success il landsturm surs. cunter il general franz. Louis Henri Loison ch'era avanzà sur il Cuolm d'Ursera. Questa victoria aveva stgaffì las premissas per la capitulaziun avantagiusa avant il general Joseph Laurent de Mont a Tavanasa. Quella aveva retegnì C. da participar a l'assagl sventiraivel dals Sursilvans a La Punt/Rehanau a l'entsch. da matg 1799. C. è mort senza descendenza.   Litteratura: P.A. Vincenz, Offiziere der Familie C.-Truns im französischen Fremdendienste, en: BM, 1936, 304-07; Maissen, Landrichter, 105. Ursus Brunold  Caprez, Johannes Caprez, Ludwig de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: