e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Friburg Fritschun, Gian Battista  Frisch, Chasper * ca. 1590 a Riom, † 1668 a Cazas, cat., da Riom, burgais d'onur da Beiva 1655. Figl da Luzi (?) e da Maria Lucia n. F., da Riom. ∞ 1) Anna n. NN († 1642), 2) Catarina n. NN. Landfoct (mastral) dal Surses 1637-40 e 1646-48. Domicilià a Cazas a partir dal 1665. Numnà "igl erox da Ses". La tradiziun populara raquinta ch'il landfoct F. da Riom saja vegnì assaglì (prob. il 1637/38) da bandits armads sin via vers chasa en la stretga da Ses (Tgant Ladrung) tr. Casti e Riom. En sia desperaziun haja el fatg il vut da legar en cas da salvament a la proxima baselgia ina summa en la valur da ses chaval. Sin quai ha ses chaun attatgà ils bandits ch'han stilettà quel. Il landfoct haja pudì fugir saun e salv a Riom, il chaval percunter saja vegnì schluppettà dals bandits en la curt dal chastè. Dals daners empermess en il vut ha prob. profità la chaplutta da Del a Salouf. L'aventura è vegnida dechantada dad Andreia Steier en sia ballada «Tgasper Frisch» (1926). Litteratura: G.P. Thöni, Tgasper F., igl erox da Ses, en: Sulom, 68/1989, 121-58; 69/1990, 8-55. Adolf Collenberg  Friburg Fritschun, Gian Battista  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: