e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Alberti, Gioachimo Albertini, Jacob Ulrich von  Albertini, Christoph von &#8776; 12-2-1774 a La Punt-Chamues-ch, † 23-12-1848 a Cuira, ref., da La Punt-Chamues-ch. Figl da Peter, guvernatur en Vuclina, e dad Ursina n. Planta von Wildenberg. &#8734; Elisabeth Gugelberg von Moos, da Maiavilla. Instrucziun privata. Studis giuridics a Giessen e Marburg. Comm. da la Regenza interimala aderenta da l'Austria 1799. Primlitinent en la cumpagnia dal cont Rudolf von Salis-Zizers 1800-01. Dimora e natiralisaziun a Cuira 1808. Tr. il 1818 ed il 1829 sis giadas burgamester da Cuira, comm. dal Cussegl grond dal Grischun 1815-30 e da la Regenza 1808-09, mess a la Dieta confed. 1813. Comm. da la delegaziun grischuna al Congress da Vienna a l'entsch. dal 1815. Quella n'ha betg pudì ademplir sia missiun d'obtegnair in'indemnisaziun per il Chantun ed ils privats en las Terras subditas persas il 1797 (<elirlink href="aid:808">Confisca</elirlink>) e da reconquistar Clavenna e Buorm, tr.a. pervi da differenzas cun ils delegads svizzers. La reproscha ch'ils delegads grischuns sajan s'engaschads dapli per las facultads privatas confiscadas il 1797 che per ils interess dal Chantun n'è betg cumprovada. A. è stà confundatur da la Zinstragende Ersparniskasse (1808). El è sa fatg meritaivel per la construcziun da vias e per la refurma dal transit ed è s'engaschà per l'explotaziun da metal en la Val d'Alvra. Malgrà ch'el era in conservativ profilà, ha el refusà decididamain il culp da stadi reacziunar dal 1814.<br /><br /><br /><br /></p> Archiv: ASGR, collecz. d'actas dal Congress da Vienna (B 1613). Ovras: Funtaunas: Litteratura: Erinnerungen an Christoph von A., 1849; Metz, Graubünden 1. Jürg Simonett  Alberti, Gioachimo Albertini, Jacob Ulrich von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: