e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gengel Gengel, Georg  Gengel, Florian * 27-6-1834 (Florian Peter Gilli) a Curvalda , † 4-2-1905 a Cuira, ref., da Curvalda. Figl da Cyprian, litinent colonel, advocat e politicher, e dad Ursula n. Pezzi, da Zuoz. &#8734; Anna n. Giger, figlia da Friedrich, da Gontenschwil/AG. Scola chant. a Cuira. Studi da dretg, d'economia publica e da litteratura a Turitg, Tubinga e Minca. Advocat a Cuira. Redactur dal «Liberaler Alpenbote», alura dal «Bund» a Berna (1861-67). Fundatur da la gasetta lib. «Der Freie Rhätier» (1868). Proprietari da stamparias a Cuira e S. Murezzan («Allgemeines Fremdenblatt») e da l'Hotel Hof St. Moritz. Secretari general da la Societad svizra dals hoteliers. Problems finanzials suenter la mort da Christian Tester (1890) han sfurzà G. da vender il 1892 sia stamparia a Friedrich Manatschal. Cuss. municipal ed intermediatur a Cuira, comm. dal Cussegl grond 1869-83, 1885-89, 1891-93, derschader chant. 1870-72 e cuss. dals chantuns fan. 1874-79 (pres. 1878-79, sco emprim Grischun). G. è s'occupà o.t. da la politica da viafier, dal turissem e da la scola. Publicist enconuschent ed oratur popular. En ils onns 1870-90 è el stà in dals represchentants ils pli impurtants dal champ lib. ed è s'engaschà per la revisiun da las Const. fed. dal 1872 e 1874 (comm. da la cumissiun predeliberanta) e per la democrazia directa en il Grischun (Const. chant. dal 1881). Suenter il 1881 è el sa distanzià da las posiziuns rad.-dem. per s'avischinar a quellas liberalas. Pres. da la radunanza constitutiva da la «Schweizer Presse» 1883. </p> Archiv: Ovras: Zur schweizerischen Reformbewegung. Die Selbstregierung des Volkes, 1868; Das Recht in der Ostalpenfrage, 1869. Funtaunas: Litteratura: Gruner, Bundesversammlung 1, 615 s.; Metz, Graubünden 2, 183-85; Foppa, Deutschsprachige Presse, 27-29. Jürg Simonett  Gengel Gengel, Georg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: