e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Giacometti, Augusto Giacometti, Diego  Giacometti, Bruno * 24-8-1907 a Borgonovo. Figl da <elirlink href="aid:1012">Giovanni</elirlink>. Frar dad <elirlink href="aid:1008">Alberto</elirlink> e <elirlink href="aid:1011">Diego</elirlink>. &#8734; 1935 Odette n. Duperret. Scola chant. a Cuira 1922-26, studi d'architectura a la SPF a Turitg 1926-30 (tar ils prof. Karl Moser ed Otto Rudolf Salvisberg). Engaschà da l'architect Karl Egender a Turitg 1930-39, alura agen biro d'architectura a Turitg a partir dal 1940. Domicilià a Zollikon a partir dal 1968. G. ha projectà o.t. chasas d'ina fam., abitadis ed edifizis publics, realisads per gronda part a Turitg ed en il Grischun, p.ex. la Chasa Stampa-Lyss a Cuira (1941-42), las chasas per ils emploiads da las OE Bergiaglia a Visavraun (1955-64) e Castasegna (1955-59), ils edifizis da posta a Malögia (1949-51) e Scuol (1960-64), las chasas da scola a Visavraun (1956-64), Brüsch (1959-63) e Stampa (1961-62), las chasas com. ad Uster (1958-62) e Brüsch (1959-62) e l'ospital a Dielsdorf (1962-82). Daspera ha el era construì edifizis per exposiziuns sco il pavigliun svizzer da la Biennala a Vaniescha (1951-52) u il Museum grischun da la natira a Cuira (1977-81). Ils bajetgs realisads da G. a Turitg ed en il Grischun expriman tendenzialmain duas differentas filosofias: entant che quels a Turitg reflecteschan il svilup modern dal suenterguerra, mussan ils edifizis en il Grischun sia premura da stabilir ina relaziun cun l'ambient local. Las chasas d'abitar a Visavraun resguardan la structura dal vitg, quellas a Castasegna s'adattan al vegl guaud da chastagners. Las furmas dals edifizis realisads cun crappa e laina dals conturns èn moderadamain modernas. Medaglia d'aur dal chantun da Turitg 1993, Medaglia da Heinrich-Wölfflin (ad el ed a sia dunna Odette) conferida da la citad da Turitg 2006.<br /><br /></p> Archiv: Ovras: Funtaunas: Litteratura: KLS 1, 353 s.; ALS, 213; L. Dosch, Kunst und Landschaft in Graubünden, 2001, 352-54; Bruno G., Architekt, 2008; F. Baumann, R. Frischknecht, Bruno G. erinnert sich, 2009 (cun reg. d'ovras). Leza Dosch  Giacometti, Augusto Giacometti, Diego  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: