e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  En Enderlin, Hans Peter (von Montzwick)  Enderlin Schlatta gualsra dad uffiziers e nobels da Maiavilla, domiciliada oriundamain sin la muntogna sur Maiavilla. Members da la fam. avdavan era a Crusch en Partenz ed a Cuvlignas. Gia enturn il 1400 eran ils E. derschaders a Maiavilla, nua ch'els èn attestads sco burgais a partir dal 1426. Il 1508 è s'immatriculà in <em>Benedictus Enderlein de Chura</em> a l'Univ. da Vienna. In <em>Peter Enderli im Hoof</em>, menz. sco curatur da la citad da Maiavilla il 1509, ha inizià la genealogia (enconuschenta mo parzialmain) dal posteriur rom nobel dals E. Ses quatter figls cumparan il 1521 sco vasals da la curt Montzwick sur Maiavilla e d'ulteriurs bains ch'els possedevan prob. gia avant quel temp. Il biadi da Peter, Andreas, è stà chapitani en servetsch franz. e curatur da Maiavilla dal 1560-74. Dal 16. fin la fin dal 18. tsch. han numerus descendents fatg la medema carriera. Insaquants èn stads pli ditg curaturs da la citad (p.ex. <elirlink href="aid:891">Hans Peter</elirlink>), auters chaus da la LDD (quatter), landfocts dal Signuradi (trais) u uffiziants en Vuclina (12). <elirlink href="aid:893">Johann Theodor</elirlink> ha occupà div. uffizis en la LDD ed en Vuclina. Blers members da la fam. E. èn stads uffiziers mercenaris, fin vers la fin dals Scumbigls grischuns o.t. en servetsch franz. (p.ex. <elirlink href="aid:896">Thüring</elirlink>), alura en servetsch spagnol. Vers la fin dal 17. tsch. han els servì o.t. a l'Ollanda, ed en il 18. tsch. era a l'armada ungaraisa. Il 1609 han ils figls dad Andreas obtegnì da l'archiduca Maximilian, ens. cun dus cusrins, la brev da vopna, dapi alura sa scrivevan els von Montzwick (<elirlink href="aid:894">Johannes</elirlink>). Ils E. èn sa parentads cun numerusas schlattas impurtantas dal Grischun: en il 16. e 17. tsch. pliras giadas cun ils Plantas e Sprechers, en il 18. tsch. cun ils Salis. Il rom aristocratic da la fam. è s'extinguì il 1835. Da las lingias dal rom anc oz existent dals E. von der Bündte èn sa profilads o.t. il piunier d'hotels Leonhard (1823-99) e l'impressari<elirlink href="aid:892"> Johann Peter</elirlink>.<br /> </p> Archiv: Ovras: Funtaunas: Litteratura: A. Sprecher von Bernegg, Stammtafeln des altadeligen 1835 ausgestorbenen Geschlechts Enderli von Monzwick zu Maienfeld, Grüsch und Küblis, 1855; Grimm, Aristokratie, 234-36; P. Rehli, Auf den Spuren einer Maienfelder Grossfamilie, en: Terra plana, 1/1993, 32-35. Silvio Färber  En Enderlin, Hans Peter (von Montzwick)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: