e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Frauenberg, Heinrich von Fravi  Frauenberg, von Schlatta da l'auta noblezza da la Rezia Sura, residenta en il 13. ed a l'entsch. dal 14. tsch. en la fortezza dal medem num sper Ruschein. Sco ils de <elirlink href="aid:1037">Friberg</elirlink> eran era ils de F. prob. in rom dals signurs de <elirlink href="aid:2568">Sagogn</elirlink> ch'era sa furmà enturn il 1250 en consequenza d'ina partiziun d'ierta. L'emprim represchentant enconuschent da la fam. è Heinrich (menz. il 1257-66) che correspunda prob. a Heinrich de Sagogn, attestà il 1251 ens. cun ses frar Friedrich de Friberg. En ils onns sequents cumparan omadus pliras giadas ens. sco perditgas. La fam. possedeva era il chastè da Favugn ed ils dretgs ecclesiastics respectivs, ultra da quai bains e dretgs a Luzein, Castrisch e Falera. <elirlink href="aid:954">Heinrich</elirlink>, il trubadur, ha persequità senza grond success ina politica proepiscopala ed antihabsburgaisa. La posiziun occupada da Heinrich ha prob. intimà la fam. da transferir sia residenza da la Surselva sin la fortezza da Gutenberg sper Balzers/FL. Suenter la mort da Heinrich il 1314 han ses anteriurs adversaris (l'Austria ed ils Werdenbergs) partì tr. els ils bains da fam. ch'els avevan acquistà da sias figlias Katharina e Margaretha; la fortezza da Gutenberg è passada a l'Austria, Favugn ed ils possess en Surselva als Werdenberg-Heiligenbergs.<br /><br /><br /></p> Archiv: Ovras: Funtaunas: Litteratura: A. Mooser, Burg F., en: BM, 1927, 25-41; J.L. Muraro, Untersuchungen zur Genealogie der Freiherren von Wildenberg und von F., en: Churrätisches und st. gallisches Mittelalter, edì da H. Maurer, 1984, 67-89; Simmen, Wappen 243, 255. Martin Leonhard  Frauenberg, Heinrich von Fravi  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: