e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Friberg [Fryberg] Friburg  Friberg [Fryberg], de Schlatta da l'auta aristocrazia, attestada en la Rezia Sura da la mesadad dal 13. tsch. fin viaden il 14. tsch., cun ils chastels dal medem num sur Siat e Munt S. Gieri (Vuorz) ed ulteriurs dretgs ad Andiast e Rueun. Ils de F. eran prob. sco ils nobels de <elirlink href="aid:1036">Frauenberg</elirlink> in rom dals de <elirlink href="aid:2568">Sagogn</elirlink>. Ses emprim represchentant, Friedrich (attestà fin il 1289), è prob. identic cun Friedrich de Sagogn che cumpara, ens. cun ses frar Heinrich de Sagogn/Frauenberg, pliras giadas sco perditga a partir dal 1251. Suenter l'occupaziun da chastels episcopals ha el subì il 1255 cun auters nobels (tr.a. Heinrich de Belmont) ina sconfitta en la Battaglia da Domat cunter l'uvestg elegì Heinrich de Montfort. En l'emprim quart dal 14. tsch. ha la fam. cedì ses domini als ducas d'Austria ch'han rendì quel a la fam. en furma da feud. Suenter la mort dal davos represchentant dals F., Reinger (avant il 1330), prob. in figl dal surmenz. Friedrich, è il domini turnà a l'Austria.<br /><br /></p> Archiv: Ovras: Funtaunas: Litteratura: Clavadetscher/Meyer, Burgenbuch, 105-11; J.L. Muraro, Untersuchungen zur Genealogie der Freiherren von Wildenberg und von Frauenberg, en: Churrätisches und st. gallisches Mittelalter, edì da H. Maurer, 1984, 67-89; Simmen, Wappen, 244. Martin Leonhard  Friberg [Fryberg] Friburg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: