e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gherdëina, Val Giacometti, Alberto  Giacometti Famiglia da Stampa e Visavraun. Ils G. eran surtut purs, artisans e commerziants, intgins eran emigrads a l'ester sco pastiziers. Els èn surtut enconuschents sco fam. d'artists. Annetta n. Stampa (1871-1964) ed il pictur <elirlink href="aid:1012">Giovanni</elirlink> eran ils geniturs dal sculptur e pictur <elirlink href="aid:1008">Alberto</elirlink>, da l'artisan <elirlink href="aid:1011">Diego</elirlink>, dad Ottilia (1904-37, maridada cun Francis Berthoud) e da l'architect <elirlink href="aid:1010">Bruno</elirlink>. Il pictur <elirlink href="aid:1009">Augusto</elirlink> era in savrin da Giovanni. Las chasas natalas da quests artists sa chattan a Stampa e Borgonovo, lur fossas sin il santeri da Borgonovo. Il passadi dals G. dal mund puril a quel da l'art sa reflectescha en il clavà dals G. a Stampa, transfurmà da Giovanni en in atelier ed utilisà pli tard era dad Alberto. Il giurist e prof. da dretg public <elirlink href="aid:1013">Zaccaria</elirlink> era parentà cun ils artists.</p> Archiv: Ovras: Funtaunas: Litteratura: Die Familie G., das Tal, die Welt, catalog d'expos. Mannheim, 2000; Das Bergell, Heimat der G., edì dad E. Scheidegger, 2001²; G., catalog d'expos. Fondation Beyeler, Basilea, 2009. Leza Dosch  Gherdëina, Val Giacometti, Alberto  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: