e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Dretg da domicil Dretg, Istorgia dal  Dretg da votar da las dunnas Introducì en Svizra il 1971 suenter differentas moziuns e  postulats inoltrads en il Parlament fed. e suenter div. petiziuns ed appels da vart da las grondas organisaziuns da dunnas. L'emprima proposta da francar quest dretg en la Const. fed. datescha dal 1874. Suenter qu'il Parlament aveva refusà quest dretg il 1-2-1959, ha il suveran svizzer acceptà el ils 7-2-1971 (il Grischun cun 12'778 cunter 10'524 vuschs). Ils 7-10-1962 han ils votants dal Grischun autorisà las vischnancas d'introducir il dretg da votar da las dunnas sin plaun communal. Cuira è stada l'emprima vischnanca grischuna ch'ha accordà il dretg da votar a las dunnas (7-4-1968). Suenter il na dals 20-10-1968, han ils umens grischuns approvà el ils 5-3-1972 cun 14'163 cunter 5'465 vuschs sin plaun chant. e cirquital. Fin ils 31-12-1981 avevan però mo 191 da las 213 vischnancas grischunas recepì quest dretg en lur constituziuns. Las ulteriuras vischnancas èn alura vegnidas sfurzadas da far quel pass tras votaziun chant. dals 27-2-1983. Sper las 10 vischnancas senza dretg da votar da las dunnas han vuschà anc 40 ulteriuras cunter in'introducziun da quest dretg sin plaun communal. Il dretg da votar da las dunnas è stà in pass impurtant vers l'egualitad burgaisa dad um e dunna, fixada en l'art. 4, alinea 2 da la Const. fed., approvà dal suveran ils 14-6-1981. </p> Archiv: Ovras: Funtaunas: Litteratura: Messadi da la Regenza al Cussegl grond dal chantun Grischun dal 1-2-1982, 62-74; Fraubünden 1; U. Jecklin, In einer intakten Familie geht der Mann stimmen, en: JHGG, 2004, 3-7. Rita Cathomas-Bearth  Dretg da domicil Dretg, Istorgia dal  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: