e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Economia da subsistenza Ediziuns  Edifizis da turissem Ils edifizis da turissem consistan per gronda part da pensiuns, hotels, chasas da vacanzas, chamonas, pendicularas e telefericas sco era d'implants da sport e passatemp. Il sectur turistic ha era influenzà fermamain la construcziun da vias e viafiers. Il grandhotel, l'edifizi emblematic da la Belle Epoque, è sa sviluppà da la tradiziun da las chasas da bogns e dals hotels da cura. Fin en il tranterguerras visitavan ils giasts Tavau en emprima lingia pervia da las curas climaticas medicinalas. Il svilup d'in turissem da temp liber e da divertiment ha rinforzà la tendenza da construir ordaifer ils vitgs serrads hotels adina pli gronds cun salas luxuriusas ed ina vista en la cuntrada. Exempels d'edifizis da l'Istorissem èn l'Hotel Palace (1882-84) da Jules Rau a Malögia e l'Hotel Palace (1892-96) da Chiodera &amp; Tschudy a S. Murezzan. Al stil floreal è d'attribuir l'interiur da l'Hotel Waldhaus (1906-08) da Karl Koller a Segl. Dal stil regiunal dattan perditga l'Hotel La Margna (1906-07) da Nicolaus Hartmann ed il Suvretta House (1911-12) da Karl Koller a S. Murezzan. In implant da sport d'impurtanza per l'istorgia da l'architectura dal tranterguerras era l'edifizi per sport sin glatsch da Rudolf Gaberel a Tavau, construì il 1934 e destruì il 1991 tras in incendi. Dal boom da construcziun architectonicamain pauc ambiziunà dal temp suenter la Segunda Guerra mundiala sa differenzieschan las chasas da vacanzas da Rudolf Olgiati.</p> Archiv: Ovras: Funtaunas: Litteratura: HbBG 3, 175-92; L. Dosch, Kunst und Landschaft in Graubünden, 2001, 110-14, 157-202, 221-34, 337-70. Leza Dosch  Economia da subsistenza Ediziuns  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: