e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Juvalt, Ulrich von Juvalta, Fortunat von  Juvalta Cun il num J. vegnan designadas las ruinas da las fortezzas da Hochjuvalt ed Innerjuvalt, construidas dals signurs von J. en il territori da la vischnanca da Giuvaulta.<br /><br /></p> <elirbold><em>Hochjuvalt<br /> </em></elirbold> <p><br />Situà sin in sparun grippus stretg e spundiv, era il chastè da Hochjuvalt (savens numnà faussamain Niederjuvalt) dividì en duas parts: l'areal da defensiun inferiur cun la fortezza externa, situada a la riva dal Rain Posteriur, e quel superiur cun l'implant principal. Da quest ultim existan restanzas da la tur principala da tschintg plauns, d'in edifizi annex, dals foss e paucs fastizs dal mir da tschinta. La zona d'entrada è per gronda part vegnida destruida e la veglia via d'access è cuverta da glera. Da la fortezza externa è sa mantegnida sulettamain ina part dal mir, donnegià durant la construcziun da la via. Hochjuvalt è vegnì erigì prob. en il 12. tsch. sco sedia dals signurs von J. En possess da l'uvestg da Cuira il 1352, è il chastè vegnì impegnà pliras giadas en il decurs dal 15. tschientaner. Donnegià probablamain il 1451 en la Faida da Schons, è el vegnì bandunà enturn il 1500 ed è menziunà gia enturn il 1550 sco ruina.<br /><br /></p> <elirbold><em>Innerjuvalt</em></elirbold> <p>Situà sin in sparun grippus a l'ost da Giuvaulta, a l'entrada en la Tumleastga, era il chastè dad Innerjuvalt (savens numnà faussamain Oberjuvalt u Hochjuvault) dividì en ina part superiura ed ina inferiura. En l'areal superiur avevan ins erigì l'emprim (ca. 1250) ina residenza signurila a dus plauns, a la quala èn vegnids agiuntads pli tard la tur principala e l'edifizi d'abitar meridiunal. Ina cisterna ed in furn eran circumdads d'in mir da tschinta extern. En l'areal inferiur sa chattavan ulteriurs edifizis d'abitar e d'economia. Retschertgas archeologicas (1980, 1982, 1990) han furnì indicaziuns impurtantas davart l'istorgia da las construcziuns ed han purtà a la glisch pitschens chats da gronda valur. Erigì dals signurs von J. probablamain enturn il 1250, è Innerjuvalt vegnì bandunà pauc suenter il 1500 ed era il 1550 gia en ruina.<br /><br /></p> Archiv: Ovras: Funtaunas: Litteratura: Clavadetscher/Meyer, Burgenbuch, 127-32; U. Clavadetscher, M. Janosa, Die Burgruine Innerjuvalt bei Rothenbrunnen, en: ArGR, 1992, 314-20. Maria-Letizia Boscardin  Juvalt, Ulrich von Juvalta, Fortunat von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: