e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Barblan, Gudench Barbusch  Barblan, Otto * 22-3-1860 a S-chanf, † 19-12-1943 a Genevra, ref., da Ramosch. Figl da Florian, organist, dirigent da chor ed inspectur da scola, e da Mengia n. Pitsch, da Zernez. &#8734; Frieda n. Lanzer, pianista e chantadura. Seminari scolastic a Cuira 1874-78, alura furmaziun al cumponist ed organist a Stuttgart tar Immanuel Faisst. Magister da musica al Seminari solastic a Cuira 1885-87, organist a la catedrala da S. Peder a Genevra a partir dal 1887, docent per cumposiziun ed orgla al Conservatori a Genevra dapi il 1888. Directur da la Societad da chant sacral 1892-1938. B. ha influenzà durant decennis la vita musicala genevrina cun sia tgira da l'ovra da Bach e sias premieras da las ovras vocalas da Händel, Mozart, Beethoven, Brahms e César Franck. Sias cumposiziuns collian elements neobarocs e chanzuns rum. cun armonias dal temp romantic tardiv. Ellas cumpiglian gieus festivs patriotics («Calvenfeier 1499-1899»; chant festiv per il 100. anniversari da la Scola chantunala evang. da Cuira, 1904), ovras vocalas («Lukas-Passion»), chanzuns e musica da chombra, orgla e clavazin. Ses «Inno alla patria», preschentà durant il gieu festiv per la Chalavaina, fiss prest daventà il psalm svizzer. Comm. d'onur da l'Associaziun da musicists svizzers 1937, burgais d'onur dal chantun da Genevra, dr.h.c. da l'Univ. da Genevra e comm. d'onur da l'Uniun chant. da chant dal Grischun e dal Chor Ligia Grischa/Glion. Pliras registraziuns fonograficas da sias cumposiziuns.<br /><br /></p> Archiv: BCGR, gronda part dal relasch. Ovras: Algurdaunzas, en: Annalas, 45/1931, 5-44; BMVR. Funtaunas: Litteratura: E. Perini, Otto B., en: Annalas, 59/1945, 21-32 (cun reg. d'ovras); E. Perini, Das kompositorische Schaffen Otto B.s, en: BM, 1949, 113-34 (cun reg. d'ovras); E. Perini, Otto B. 1860-1943, 1960; Die Musik in Geschichte und Gegenwart, part da persunas, t. 2, 1999<sup>2</sup>, 218-19. Thomas Gartmann  Barblan, Gudench Barbusch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: