e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Grass, Johann Grass, Johann  Grass, Johann Anton * 25-5-1684 a Seglias, † 2-10-1770 a Purtagn, ref., da Zernez e Purtagn. Figl dad <elirlink href="aid:1194">Otto</elirlink>. &#8734; Catharina n. Rüedi, da Tusaun. Onns da studi da la medischina a Padua, Basilea, Oxford, Leiden e Paris (1703-18). Sper ils studis da filologia e medischina ha el emprendì diesch linguas, tr.a. arab. Praticum da medi a l'Hôpital de la Charité ed a l'Hôtel-Dieu a Paris. Dr.med. 1718, dapi alura pratica da medi a Purtagn, nua ch'el ha exercità fin il 1762 las pli div. activitads, tr.a. medi, chirurg, urolog, dentist, medi da cura (a Bogn d'Alvagni), farmaceut, chemicher, veterinari, pur e politicher communal. Ses servetschs laschava el pajar per gronda part en natiralias. Ses pazients derivavan da la Val dal Rain Posteriur, da la Stussavgia, da la Val d'Alvra e dal Surmeir. Ses concept terapeutic sa basava sin la ductrina tradiziunala dals liquids corporals e consistiva en la promoziun da la tensiun e detensiun corporala. Sia terapia preferida era quella da la detensiun cun agid da "purgiativs", sco p.ex. vomitivs, meds da suar e meds per il pèz, la flebotomia ed il svidar la vaschia (tud. Blasenziehen) per retrair al corp ils "liquids marschs". In corp fiac basegnava meds rinforzants (constructivs). </p> Archiv: Ovras: Funtaunas: Litteratura: W.F. Daems, Johann Anton G. von Portein, 1684-1770, 1985. Martin Bundi  Grass, Johann Grass, Johann  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: