e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Guler , Johann Peter (von Wyneck)
* 1594, † 8/18-1-1656 Cuira, ref., da Tavau e Cuira. Figl da Johannes e dad Elisabeth n. von Salis. ∞ Margreth, figlia da <elirlink href="aid:1255">Hartmann Hartmann von Hartmannis</elirlink>. Domicilià a Tavau, Malans e Cuira. Landamma da Tavau e chau da la LDD 1620-22. Colonel en servetschs franz. e grischuns, cun in agen regiment a partir dal 1635. Il 1622 ha G. participà sco adversari vehement da la partida spagn.-austr. a la Sullevaziun dal Partenz ed a las campagnas militaras en Vuclina dals onns 1620, 1621, 1624-27 e 1635-37. Cumandant da la fortezza dal Rain a Malans 1637-39. L'emprim aderent, pli tard grond adversari da Gieri Genatsch. Il 1642 è G. s'opponì energicamain a la predominanza tradiziunala da Tavau en la LDD (<elirlink href="aid:2922">Sentenzia da Waser</elirlink>). Promotur da la liberaziun dals dretgs austr. en la LDD (succedida 1649-52). G. è mort durant l'emprova aventurusa d'assaglir la Curt episcopala a Cuira. I n'è betg cler, schebain ils motivs da quel assagl eran plitost da gener confessiunal (secularisaziun, sustegn da Turitg en l'Emprima Guerra da Villmergen) u politics (terrada da la partida spagn.).</p>
Archiv:
Ovras:
Funtaunas:
Litteratura:
A. Mooser, Die G. von Wyneck, en: BM, 1934, 129-52, 161-84; A. Pfister, Jörg Jenatsch, 1938 (1991<sup>5</sup>); F. Maissen, Die Drei Bünde in der zweiten Hälfte des 17. Jahrhunderts in politischer, kirchengeschichtlicher und volkskundlicher Schau, 1. part, 1966.
Silvio Färber
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Gula