e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hartmann Hartmann, Georg  Hartmann, Benedikt * 24-5-1873 a Reute/AR, † 20-3-1955 a Cuira, ref., d'Aschera. Figl da Rudolf, missiunari en l'India, e da Marie n. Schiess, da Reute/AR. &#8734; Mathilde n. Bühler. Gimnasi umanistic e stud.teol. a Basilea. Recepì en la Sinoda grischuna 1896. Plevon a Serneus 1896-98, Tusaun-Masagn 1898-1905, Cuira 1905-10 e Malans-Gianin 1910-18. Collavuratur occasiunal da la revista «Neue Wege» da Leonhard Ragaz. Directur da l'Institut evangelic (oz Scola media evang.) ad Aschera 1918-26. Prof. da religiun, istorgia ecclesiastica e tud. a la Scola chant. a Cuira 1926-38. H. è sa deditgà en div. publicaziuns a las tendenzas ed a singuls exponents dal Pietissem grischun sco era als scolasts ed a las metodas d'instrucziun dals seminaris filantropins a Lantsch Sut ed a Marschlins en il 18. tschientaner. El è stà cuniniziant dal moviment grischun per la protecziun da la patria ed ha promovì la perscrutaziun da las chasas da purs e l'ediziun dals «Kunstdenkmäler des Kantons Graubünden» dad Erwin Poeschel. Dr. h.c. da l'Univ. da Turitg 1938.<br /><br /><br /></p> Archiv: Ovras: Funtaunas: Litteratura: JHGG, 1954, XXI-XXIII; BM, 1955, 178-80. Martin Bundi  Hartmann Hartmann, Georg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: