e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Häsler, Georg
* 18-7-1907 a Wintertur, † 31-1-1985 a Tavau, ref., da Wintertur. Figl da Georg, roder, e da Theresia n. Sallé. ∞ Helen n. Eichenberger. Suenter ina furmaziun d'architect, ha H. lavurà en il biro d'architectura da Rudolf Gaberel a Tavau. Il 1942 ha el surpiglià la direcziun da la societad da cura da Tavau ch'el ha manà fin il 1968. El ha contribuì a transfurmar quest vitg d'in lieu da reabilitaziun ad in center da sport e da vacanzas da cura ed ha conferì a quel ina reputaziun internaz. sco center per ils sports sin glatsch: en sia funcziun da secretari da l'Uniun internaz. da patinadi ha H. organisà tr. il 1947 ed il 1975 var 30 campiunadis europeics e mundials da patinadi artistic e da sveltezza sin il glatsch da Tavau. Dal 1956-75 ha el presidià ultra da quai la Scola svizra da skis da Tavau.</p>
Archiv:
Ovras:
Funtaunas:
Litteratura:
K. Jörger, Davos von A bis Z, 1988, 89.
Andrea Weibel
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Hartpert [Hartbert]