e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Badus Balamburtg, von  Balamburtg Ruina d'in chastè ed aclaun da la vischnanca polit. d'Andeer, situads a ca. 1100 m a la via veglia al sid da la vischnanca principala ed a l'entrada en la Puntcrap. 1257 <em>Balanburtg</em>, <em>Bernburch</em>, tud. Bärenburg. Dal chastè da B. existan restanzas d'in grond implant. A l'ost èn sa mantegnidas parts dal mir da tschinta ed al sid il foss entaglià en il grip. Il temp da construcziun è nunenconuschent. Signurs de B. èn attestads per l'emprima giada il 1257. B. era il center da l'administraziun signurila dal contadi da Schons ch'è passà il 1338 sco feud da l'uvestg da Cuira als conts de Werdenberg-Sargans. Il chastè è vegnì destruì il 1450 en la Faida da Schons e n'è betg pli vegnì reconstruì. En las runcas sut B., a la via da transit per il Spleia ed il S. Bernardin, sa chattavan il 1808 set chasas d'allevaturs da muvel e d'agriculturs.</p> Archiv: Ovras: Funtaunas: Litteratura: Clavadetscher/Meyer, Burgenbuch, 167 s. Jürg Simonett  Badus Balamburtg, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: