e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hager, Karl Halter, Toni  Haldenstein, von Ils von H., attestads per l'emprima giada il 1260, eran parentads cun ils signurs von <elirlink href="aid:3510">Lichtenstein</elirlink>, dals quals els han ertà enturn il 1300 il signuradi ed il chastè da H. ch'els han possess dapi alura sco ministerials chavalarescs dals baruns de Vaz e da l'uvestg da Cuira. Ina lingia residiava sin il chastè da Termin, descendents illegitims cumparan en il 15. e 16. tsch. en la Val Schons ed a Turitg. Ils H. èn s'extinguids en lingia masculina il 1388 cun Ulrich IV ch'è crudà en la Battaglia a Näfels en servetsch da l'Austria. Ils ultims exponents da la fam. stevan en relaziuns da parentella cun ils von Hallwyl, von Hohenems, de Planta e von Schauenstein. Il signuradi è passà il 1424 ad Ursula von Hohenems ed a ses consort Peter von Grifensee.<br /><br /></p> Archiv: Ovras: Funtaunas: Litteratura: GHS 2, 147-50 (cun tav. geneal.); G. Lütscher, Geschichte der Gemeinde und Freiherrschaft H. [...], 1964; Clavadetscher/Meyer, Burgenbuch, 209 s.; Simmen, Wappen, 169 s., 286; J.L. Muraro, Die Freiherren von Montalt und ihre Rechte in der Surselva, en: JHGG, 2006, 5-37. Dominik Sauerländer  Hager, Karl Halter, Toni  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: