e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hofmeister, Sebastian Hohenzollern  Högger, Andreas Renatus * 19-4-1808 a S. Gagl, † 4-4-1854 a S. Gagl, da S. Gagl. Figl da Johann Christoph, pastizier. Nubil. Suenter l'emprima instrucziun da dissegn tar il pictur songagliais Daniel Wilhelm Hartmann, ha H. fatg emprendissadis da gravader da models tar Johann Heinrich Tobler (1826-27) resp. d'aquarellist tar Johann Jakob Meyer a Turitg (1827-28). Studi a Minca 1828-32. Dal 1832-34 è H. stà activ sco artist e magister da dissegn a S. Gagl, nua ch'el è entrà il 1832 en la Societad d'art. Dal 1834-39 ha el lavurà sco magister da dissegn en la scola privata da Karl Völker en vischinanza da Liverpool. Il 1840 è el turnà a S.Gagl ed ha instruì fin il 1843 dissegn a la scola da Völker a Heerbrugg. Tr. il 1843 ed il 1845 ha el visità pliras giadas la bova da Favugn ch'el ha dissegnà («Felsberger Studien»). Il 1846 ha H. bandunà la pictura ed è sa deditgà ad experiments tecnics, chemics e medicinals. Sias scuvertas - tr.a. in fixativ per picturas, in parfum ed in med cunter mals dal magun - n'han però gì nagin success commerzial.</p> Archiv: Ovras: Funtaunas: Litteratura: E. Ziegler, Andreas Renatus H., 1808-1854, 1974. Wolfgang Göldi  Hofmeister, Sebastian Hohenzollern  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: