e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hold, Hans Holsboer, Willem Jan  Hold, Luzius &#8776; 29-4-1778 ad Arosa, † 22-3-1852 a Cuira, ref., d'Arosa. Figl da Hans e d'Elsa n. Meng. &#8734; 1) Margaretha n. Lorenz, da Prada, 2) Franziska n. Deuter. 1794 prescolaziun teologica tar il plevon Ulrich Notegen a Termin, scolaziun supplementara al Collegium Philosophicum a Cuira, studis linguistics a Halle a partir dal 1797. Magister da grec e lat. al Collegium Philosophicum a Cuira 1802. Grond engaschament per la fundaziun (1804) da la Scola chantunala evang. a Cuira. Causa resalvas teologicas (studis a Halle) n'è el però betg vegnì elegì ni sco magister ni sco rectur. Instructur a la Scola chant. d'Argovia a partir dal 1803. Il 1813 è el vegnì clamà enavos a Cuira per salvar - cun success - la Scola chantunala evang. en crisa. Rectur da quella 1814-50. Spiritus rector dals urdens forestals d'Arosa 1823 e 1838, dal nov urden da la scola d'Arosa e da la separaziun d'Arosa da Tavau. H. ha legà sia biblioteca a la Scola chant. grischuna a Cuira.</p> Archiv: Ovras: Funtaunas: Litteratura: F. Pieth, Aus dem Leben des Luzius H. von Arosa [...], en: BM, 1950, 65-85; J.B. Casti, Arosa, en: BM, 1959, 70-72; 200 Jahre Bündner Kantonsschule/200 onns scola chantunala grischuna [...]: 1804-2004, 2004. Adolf Collenberg  Hold, Hans Holsboer, Willem Jan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: