e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hotzenköcherle, Rudolf Hug, Josef  Huber, Konrad * 30-1-1916 a Meilen/ZH, † 29-6-1994 a Meilen, ref., da Niederhasli/ZH. Figl da Friedrich, scolast, e da Bertha n. Leutert. &#8734; 1) 1941 Margrit n. Sauter, 2) 1993 Alice Marlyse n. Meier. H. ha passentà otg onns da sia uffanza a S. Fe (Argentina). Gimnasi a Turitg (terminà il 1935), studi da romanistica a l'Univ. da Turitg (tar Jakob Jud), dr.fil 1943 («Über die Histen- und Speichertypen des Zentralalpengebietes»). Dal 1943-46 ha el dirigì cun sia dunna la scola svizra a Lima. Prof. eo. a partir dal 1950, alura ord. da filologia rom. e linguistica tal. a l'Univ. da Turitg 1964-81. Sias retschertgas s'extendevan da l'istorgia da la lingua tal. al studi dals contacts linguistics tr. ils spazis germanofons e romans da l'Europa Centrala ed a l'onomastica da las regiuns alpinas. H. ha dà l'impuls ad ina elavuraziun sistematica dals toponims tessinais ed ha redigì il terz tom dal «Rätisches Namenbuch» (1986), ina collecziun ed interpretaziun etimologica impressiunanta dals nums da persunas dal Grischun che furma in term impurtant sin la via da la perscrutaziun onomastica grischuna. Comm. da la cumissiun filologica dal DRG 1953-86 (pres. 1962-69).</p> Archiv: Ovras: Funtaunas: Litteratura: R. Martinoni, Bibliografia dei contributi di Konrad H., en: Problemi linguistici nel mondo alpino, 1983, 11-14; Rapp. annual da l'Univ. da Turitg, 1994/95, 183 s.; Annalas, 108/1995, 247-49. Mario Frasa  Hotzenköcherle, Rudolf Hug, Josef  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: