e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Huonder, Anselm Huonder, Emanuel  Huonder, Anton * 23-12-1858 a Cuira, † 23-8-1926 a Bonn, cat., da Mustér. Figl da <elirlink href="aid:1284">Gion Antoni</elirlink>. Scola (cat.) da la Curt a Cuira, gimnasi a Mustér 1868-71, alura ad Engelberg 1871-74. Matura a Feldkirch 1875. Il medem onn è el entrà en l'Urden dals gesuits. Scolaziun en las chasas da studi ollandaisas da la provinza tud. da l'urden ed a Ditton Hall (Engalterra) 1875-91, nua ch'el è vegnì ordinà sacerdot il 1888. Redactur da la revista «Die katholischen Missionen» 1891-1926 (schefredactur 1901-12 e 1916-18). Ultra da contribuziuns per questa revista ha H. publitgà numerusas lavurs davart l'istorgia da las missiuns, ha tgirà la collecziun «Aus fernen Landen» ed ha fatg part da la redacziun da la «Missionsbibliothek». El ha sustegnì il clerus indigen en ils pajais nua che l'urden ha exequì sia ovra missiunara ed ha promovì las societads missiunaras generalas en Svizra. A medem temp è el stà assistent spiritual e manader per ils exercizis spirituals dals sacerdots. Da questa activitad è naschì il cudesch da meditaziun «Zu Füssen des Meisters» (4 toms, 1922-30), translatà en 12 linguas e restampà pliras giadas. Intginas da sias contemplaziuns èn cumparidas en la «Gasetta Romontscha» ed en l'«Ischi». <br /><br /></p> Archiv: Ovras: Funtaunas: Litteratura: L. Koch, Jesuiten-Lexikon, 1934, 834 s.; F. Strobel, Schweizer Jesuitenlexikon, ms., 1986, 270; Gas. Rom., 12-3-2002. Josef Stierli  Huonder, Anselm Huonder, Emanuel  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: