e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Huonder, Gion Giusep Huonder, Giusep  Huonder, Giusep *15-11-1869 (Gion Giusep) a Lyon, † 12-3-1905 a Friburg, cat., da Mustér. Figl da Giachen Fidel, camarier, e dad Agatha n. Engler, da Niederriemsingen (Brisgovia). Nubil. Gimnasi a Mustér, Sarnen e Sviz, stud.teol. a Cuira 1891, primizia 1894. Studis d'indogermanistica e da romanistica a Friburg 1895, dr.fil. 1897 («Der Vokalismus der Mundart von Disentis»), alura studis a Würzburg, Halle e Vienna (tar Wilhelm Meyer-Lübke). Prof. eo. da linguas e litteraturas rom. a Friburg. 1902-05. Sia dissertaziun, che tracta a moda fitg innovativa la pronunzia, il vocabulari, la lingua discurrida e l'etimologia, è daventada - sper las publicaziuns da Graziadio Isaia Ascoli e Theodor Gartner - in classicher da la dialectologia rum. renana e ladina. Confundatur da la Romania 1896 e segund pres. da quella.<br /><br /></p> Archiv: Ovras: Funtaunas: Litteratura: G. Cahannes, Prof. Dr. Giusep H. Ina regordientscha, en: Annalas, 31/1917, 1-26 (cun reg. d'ovras); G. Capaul, Regurdientscha pli centenari dalla mort da prof. dr. Giusep H., en: Cal. Rom., 2006, 383-99. Adolf Collenberg  Huonder, Gion Giusep Huonder, Giusep  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: