e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Iserin [Rheticus], Georg Joachim Isola  Isler, Johann Luzius * 4-8-1810 a Tavau, † 20-9-1877 a S. Petersburg, ref., da Tavau. Figl da Johannes, pastizier, e da Miertha n. Ambühl. &#8734; 1832 Johanna Dorothea n. Riz à Porta, da Guarda. Durant ils onns da fomina dal 1816-17 è I. emigrà cun ses geniturs a S. Petersburg, nua che ses bab è mort gia il 1818. Suenter in emprendissadi da pastizier tar Hans Ulrich Auer, ses padraster, a S. Petersburg, ha el lavurà sco giarsun tar div. pastiziers e cafetiers grischuns. Il 1836 ha el acquistà da Christian Ambühl da Tavau ina fatschenta ch'el ha transfurmà en in café-restaurant. Sia carriera fulminanta d'interprendider sin il champ dal divertiment ha inizià il 1843 cun l'avertura dal Parc Tivoli a Poljustrovo en vischinanza da S. Petersburg e cuntinuà il 1848 cun l'avertura dal stabiliment d'aua minerala Isler, in cumplex en in parc al nordvest da la citad, en il qual sa divertivan e sa nutrivan fin 10'000 visitaders. El possedeva era in stabiliment da bogns en il center da la citad. Incendis ed il svilup negativ da la conjunctura han dentant provocà il declin da ses imperi.  </p> Archiv: Ovras: Polnyj konditer (tud.: Der vollendete Konditor), 1853. Funtaunas: Litteratura: Bühler, Bündner im Russischen Reich, 265-71; R. Bühler, Von der Konditorei zum Vergnügungspark, en: BM, 1994, 274-82. Roman Bühler  Iserin [Rheticus], Georg Joachim Isola  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: