e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Jenatz, Hans von Jenny, Johann  Jenny, Hans * 21-11-1866 a Curvalda, † 4-6-1944 a Cuira, ref., da Curvalda. Figl da Christian, scolast, e da Maria n. Brügger. &#8734; 1895 Fanny n. Bauer, ceramicra e pictura. Seminari scolastic ad Aschera. Magister a Sievgia 1884-87. Studis a la Scola d'art applitgà a Turitg 1888-89, alura a Minca. Diplom per l'instrucziun superiura 1892. Magister da dissegn a la Scola chant. grischuna ed a la scola professiunala a Cuira 1894-1932. Conservatur a la Chasa d'art dal Grischun 1932-38. J. vala sco renovatur da l'instrucziun da dissegn a las scolas popularas grischunas. Per la secziun Rezia dal CAS ha el elavurà a partir dal 1897 ina charta panoramica dal Calanda, e realisà per incumbensa da la Protecziun da la patria ina documentaziun iconografica davart la cultura da construir e d'abitar dal passà. Il 1989 è vegnida constituida a Berna la Hans und Fanny und Max J.-Stiftung per la tgira, elavuraziun scientifica ed exposiziun da l'ovra da quests trais artists.<br /><br /></p> Archiv: Ovras: Calanda-Panorama, 1897- (suppl. al Jahrbuch des Schweizer Alpenclub, 1900; facs. 1997); Alte Bündner Bauweise und Volkskunst (ens. cun B. Hartmann), 1914 (1981³). Funtaunas: Litteratura: B. Hartmann, Professor Hans J. 1866-1944, en: BJb, 1947, 9-35 (cun purtret); KLS 1, 492; L. Högl, Zur Gründung der Hans und Fanny und Max Jenny-Stiftung, en: BM, 1991, 17-30; BLSK, 549. Leza Dosch  Jenatz, Hans von Jenny, Johann  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: