e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Porta, Johann Biätsch a Porta, Nott a [da]  Porta, La Oriundamain ina porta tras il mir da la fortezza rom. (serra da la val) al nord da Promontogno en Bergiaglia. 9. tsch. <em>Porta Bergalliae</em>. A La P. sa chattavan la staziun rom. <em>Murus </em>(Müraia) ed en sia vischinanza, sin ina collina, la baselgia da Nossadunna ed il chastè da Castelmur, menz. l'onn 988. Il chastè è stà en possess da la fam. Castelmur dapi il temp medieval tardiv, oz appartegna el al cirquit da la Bergiaglia. Las duas parts da la Bergiaglia, Sopra- e Sottoporta, èn doc. dapi il 1336 resp. il 1382, en funtaunas tud. dapi il 1367 (<em>ob port</em> ed <em>under port</em>). Durant il temp da la Republica da las Trais Lias furmavan omaduas parts ina dretgira civila cun il dretg da proponer mintgamai in deputà a la Dieta. La barriera natirala da La P. separa topograficamain e climaticamain la Bergiaglia inferiura (mediterrana) da quella superiura (alpina).</p> Archiv: Ovras: Funtaunas: Litteratura: RN 2, 263; R. Stampa, R. Maurizio, Das Bergell - La Bregaglia, 1994<sup>4</sup>. Martin Bundi  Porta, Johann Biätsch a Porta, Nott a [da]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: