e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lampert, Ulrich Landolfi, Dolfino  Landarenca Anteriura vischn. polit., cirq. Calanca, distr. Moesa. Fracziun da la vischn. polit. d'Arvigo dapi il 1980. Situada a 1272 m sin ina terrassa sin la spunda dretga da la Calancasca. 1550 <em>Lan Darencha</em>. 1773 117 abit.; 1850 71; 1900 72; 1950 37; 1970 20; 1990 14. L. ha appartegnì a la vischnanca da Calanca fin il 1851, alura è ella stada autonoma fin il 1980. L. è accessibel mo cun ina teleferica averta il 1961 davent da Selma (ca. 400 m pli bass) u sin ina senda da sauma. La baselgia da L., menz. il 1529, è deditgada als ss. Bernard e Niclà; ella è vegnida transfurmada pliras giadas, o.t. en il 17. tsch., e restaurada en ils onns 1969-74. L. è stada la segunda vischnanca dal Grischun (suenter Cuira) a conceder il dretg da vuschar a las dunnas sin plaun com. (1968). Il 2007 devi anc in manaschi puril a L., ils auters abitants cun activitad da gudogn penduleschan fin a Blinzuna.</p> Archiv: Ovras: Funtaunas: Litteratura: A. Bertossa, Storia della Calanca, 1937; E. Agustoni, Guida all'arte della Calanca, 2005, 66 s. Cesare Santi  Lampert, Ulrich Landolfi, Dolfino  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: