e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ligiaun Lindau, Contract da  Lindau Anteriura citad imperiala situada a la riva nord dal Lai da Constanza, oz en Germania. Lieu da commerzi impurtant per las Trais Lias e per il traffic da transit tr. la regiun al Lai da Constanza e la Lumbardia. L. ha gì sia fluriziun en il temp medieval tardiv. La citad giudeva da quel temp in'exemziun da dazi per martganzia da transit e privilegis per il transport da quella. Transports frequents han existì prob. gia en il 14. tsch., curs da currier regulars èn attestads dapi il 1455. Dapi l'avertura da la via nova tras la Viamala (1473) èn quellas frequenzas creschidas. Da l'emprima mesadad dal 16. tsch. fin il 1826 organisava l'uschen. Currier da L. mintg'emna in transport da rauba e da persunas sur il Spleia a Milaun e da Milaun a L. In viadi durava tschintg dis e mez: L.-Feldkirch (emprim di) - Spleia (midada da chavals) - Clavenna-Com (20 uras cun la bartga) - Milaun. Il currier (adina in cat.) vegniva proponì da L. ed elegì da la chombra da commerzi da Milaun. El era munì cun brevs da protecziun spez. da las Trais Lias. Il 1803 è il regal da posta passà als chantuns svizzers. Ils spediturs da L. han dentant pudì mantegnair lur mandat, pajond al chantun Grischun dapi il 1813 ina fittanza annuala per il regal da posta tr. il Pass da S. Gliezi ed il cunfin sid dal Chantun. Cun la fin sett. 1826 ha la nova posta da viadi dal Grischun surpiglià ils servetschs dal Currier da L. </p> Archiv: Ovras: Funtaunas: Litteratura: Pieth, Bündnergeschichte; W. Dobras, Der Mailänder oder Lindauer Bote [...], en: BM, 1989, 339-56; A. Nemitz, L. Piatta, Der Lindauer Bote, 2002. Adolf Collenberg  Ligiaun Lindau, Contract da  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: