e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lombriser, Eduard Londra  Lon Vischnanca polit., cirq. Schons, distr. Rain Posteriur. Vitg a mantun situà a 1582 m en la part sura da la <elirlink href="aid:1951">Muntogna da Schons</elirlink>. Enturn 1150 <em>Laune</em>, <em>Lune</em>; 1219 <em>de Laone</em>, tud. Lohn (uffiz.). 1780 126 abit.; 1850 97; 1900 75; 1950 62; 2000 50. L'existenza d'ina veglia via auta per guntgir la chavorgia da la Viamala para oz pauc probabla. Gia a l'entsch. dal 13. tsch. era il terren da L. urbarisà e cultivà (allevament da muvel e cultivaziun da graun). Dapi il 1204 è attestà sin la Muntogna da Schons ina cuminanza da purs libers cun in'atgna dretgira bassa. Signurs territorials èn stads, en successiun, l'uv. da Cuira, ils baruns de Vaz, ils conts de Werdenberg ed, a partir dal 1456, danovamain la diocesa. Il 1458 ha l'entira val cumprà ora ils dretgs signurils. Igl existan fastizs d'ina chaplutta dal 12. tschientaner. Il process da separaziun da la pravenda da S. Martin a Ziràn ha inizià il 1460 cun la fundaziun da la chaplania da S. Maria ed è vegnì terminà il 1538 cun l'instituziun da la cuminanza parochiala en la part sura da la Muntogna. Vers la mesadad dal 16. tsch. ha L. aderì a la Refurma. Fin il 1851 ha la vischnanca furmà in vischinadi dal cumin da Schons e constituì ina dretgira civila cun Maton e Vargistagn. Il 1904-06 è vegnida construida la via charrabla. Il 2005 offriva il sectur primar tut las plazzas da lavur en la vischnanca. Part da la populaziun da lingua rum.: 1980 100% (LM); 2000 52%/76% (ML/Lindic).</p> Archiv: Ovras: Funtaunas: Litteratura: Kdm GR 5, 208-11; Gem. GR, nr 76, 1985. Jürg Simonett  Lombriser, Eduard Londra  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: