e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Lü
Anteriura vischn. politica, cirq. Val Müstair, distr. En, situada a 1920 m (vischn. la pli autsituada da l'Europa) sin ina terrassa sulegliva da la vart sanestra dal Rom, antruras cun l'aclaun da Lüsai, ma senz'il fund da la val. Fusiunada il 2009 a la vischn. da Val Müstair. 1466 <em>Lug</em>. 1835 74 abit.; 1850 95; 1900 59; 1950 56; 2000 62. Colonisà a partir dal 12. tsch. en il decurs da la cultivaziun promovida da la claustra da Müstair. A la via da sauma da L. sur il Pass da Costainas en l'Engiadina Bassa sa chattava prob. ina staziun da berniers. A la fin dal 15. tsch. appartegneva L. a la plaiv da Sta. Maria. La refurmaziun è vegnida introducida enturn il 1530. Dapi alura è la vischnanca colliada ecclesiasticamain cun Fuldera (cun in agen plevon dal 1824-27). Vischnanca autonoma 1854 fin il 2008. Cun l'amplificaziun da la via charrabla sur il Fuorn (1870-72) è ella vegnida isolada anc pli fitg che avant. L. cultivava durant tscherts temps granezza, l'allevament da muvel predominescha dentant anc oz. Part da la populaziun da lingua rum.: 2000 82,3%/87,1% (ML/Lindic). Il 2009 han Jitka e Václav Ourednik avert a L. in observatori d'astronomia.</p>
Archiv:
Ovras:
Funtaunas:
Litteratura:
Gem. GR, nr 78, 1983; R. Luzzi, Lü-Lusai, 199; Bündner Anzeiger, 30-6-2010.
Paul Eugen Grimm
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
LR