e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  CAS Casaccia  Casa Paterna, La Fundada il 1920 sco organ mensil da la Renania e da l'Uniun Rumàntscha da Schons. L'emprim numer datescha dal dec. 1920. «La Casa Paterna» cumpariva dapi il 1922 duas giadas il mais, dapi il 1926 ina giada l'emna. Finamira: tgirar il rumantsch e la vita culturala en la regiun. Tendenza: lib.-protestanta. Redacturs: Pieder Paul Cadonau (1920-28, en collavuraziun cun Steafan Loringett a partir dal 1923), Hans Erni (1929-47, en collavuraziun cun Hercli Bertogg 1929-30), Gallus Pfister (1948-53), Gian Caduff (1948-73) e Gieri Bertogg (1948). Il 1974 han «La Casa Paterna» e «La Pùnt» fusiunà a duas gasettas independentas, q.v.d. ch'ils abunents da l'ina obtegnivan era l'autra. Redacturs da «La Casa Paterna, La Pùnt»: Johann Clopath (1974-91), Manfred Veraguth (1992-96). L'ultim numer datescha dals 20-12-1996 (ediziun: 1'600 exemplars). Il schan. 1997 è la gasetta vegnida integrada en «<elirlink href="aid:1418">La Quotidiana</elirlink>».</p> Archiv: Ovras: Funtaunas: Litteratura: Casa Pat., dec. 1920; 17-12-1970; Deplazes, Funtaunas 3. Gion Deplazes  CAS Casaccia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: