e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Künzle, Johannes Kuoni, Andreas  Kuoni Famiglia grischuna, doc. sco <em>Cüni</em> (Cuira 1375), <em>Kuninen</em> (Val dal Rain da Cuira), <em>Conio</em> (Castaneda) e <em>Huoni</em> (Vignogn). Attestada sco fam. da viticulturs a Maiavilla il 1599. Il 1810 ha Conrad, maister pasterner a Cuira, obtegnì il dretg da burgais da Cuira. Ses figl Johann Ulrich (1807-81), cuss. da la citad, ha fundà la firma da spediziun e la vituraria postala en il Neuer Karlihof. Alexander (1842-88, figl da Johann Ulrich), al qual regorda la Via Alexander a Cuira, ha fundà il rom dals architects interprendiders. El ha dirigì tr.a. la construcziun da l'Hotel Palace a Malögia. Ses figl Hans, fundatur da la fabrica da chalets a Cuira, era maridà cun Mia Berry d'Aschera, in'anteriura guvernanta dal pres. american Theodore Roosevelt. Il 1906 ha Alfred (1874-1943), figl da Johann Conrad, fundà a Turitg la firma da spediziun K. (oz in biro da viadis). Ils dus politichers <elirlink href="aid:1478">Andreas</elirlink> e <elirlink href="aid:1479">Tobias</elirlink> derivan da la lingia da Maiavilla.</p> Archiv: Ovras: Funtaunas: Litteratura: P. Metz, Gedenkblätter für die Baumeisterfamilie K., en: BJb, 1988, 63-76; K. Lüönd, Weltwärts, 2006. Adolf Collenberg  Künzle, Johannes Kuoni, Andreas  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: