e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Kasper, Peter Kauffmann, Angelika  Kasthofer, Karl Albrecht * 26-10-1777 a Berna, † 22-1-1853 a Berna, ref., da Berna. Figl da Gottlieb, procuratur ed administratur da l'Inselspital da Berna, e da Susanne n. Chaillet, da Neuchâtel e Morat. &#8734; 1809 Elisabeth n. von Graffenried, figlia da Karl Friedrich. Studi da scienzas forestalas a Heidelberg e Göttingen. Il 1806 è K. vegnì nominà inspectur forestal da la Part Sura Bernaisa cun sedia ad Unterseen, nua ch'el ha instituì sin basa privata ina scola da selvicultura alpina e d'economia alpestra, daventond qua tras in piunier europeic sin il champ da la selvicultura alpina e da la colonisaziun interna. Inspectur forestal dal chantun da Berna (1832) e prof. eo. da scienzas forestalas a l'Univ. da Berna 1834-46. Cuss. guv. dal chantun da Berna 1837-43. En sias «Bemerkungen [...]», ina descripziun da viadis interprendids en las Alps reticas il 1822 ed il 1825, rapporta el tr.a. detagliadamain da l'economia e da la cultura grischuna sco era da la selvicultura alpina, e ses «Memorial [...]» è daventà in brevier dals cultivaturs forestals dal Grischun ch'ha influenzà decisivamain il «Waldbüchlein» da Peter Conradin Planta (cumpilà il 1848) e la legislaziun forestala dal Grischun. Dr.h.c. da l'Univ. da Berna 1835.<br /><br /></p> Archiv: BSPF, relasch. Ovras: Bemerkungen auf einer Alpen-Reise über den Susten, Gotthard, Bernardin, und über die Oberalp, Furka und Grimsel, 1822; Memorial über die Einführung einer besseren Waldwirtschaft in Graubünden, 1822; Bemerkungen auf einer Alpen-Reise über den Brünig, Bragel, Kirenzenberg, und über die Flüela, den Maloya und Splügen, 1825. Funtaunas: Litteratura: Wer Bäume pflanzt ... der wird den Himmel gewinnen, edì da W. Bosshard, 1977 (cun reg. d'ovras e bibliogr.). Christoph Zürcher  Kasper, Peter Kauffmann, Angelika  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: