e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Klainguti [-Zender], Irma Koch, Felix  Klucker, Christian * 28-9-1853 a Fex, † 21-12-1928 a Fex, ref., dad Avras. Figl dad Augustin, pur, e dad Anna n. Baltresca, da Buond. K. è stà activ sco guid da muntogna e piunier da l'alpinissem surtut en l'Engiadina e Bergiaglia, ma era en la regiun dal Mont-Blanc, en il Dauphiné ed en las Dolomitas. El ha ascendì en tut ca. 3000 pizs, 34 da quels sco primascensiuns (19 d'enviern, tr.a. il Piz Tremoggia ed il Piz Margna il 1878) e 59 sco averturas da novas rutas. Il 1901 ha el accumpagnà Edward Whymper en il Canada. K. vala sco in dals pli gronds guids da muntogna da la Svizra ed era fitg stimà da ses clients erudits (tr.a. dal chemicher Theodor Curtius) sco profund enconuschider da la flora alpina. El è s'engaschà politicamain tr.a. sco pres. communal da Segl ed è s'opponì al project d'explotar il Lej da Segl per la producziun d'energia idraulica. Crap commemorativ sin il santeri da la baselgetta da Fex.<br /><br /></p> Archiv: Ovras: Erinnerungen eines Bergführers, edì dad E. Jenny, 1930. Funtaunas: Litteratura: C. Egger, Pioniere der Alpen, 1946, 212-24; H. Philipp, R. Matossi, Bündner Bergführer, 1996, 98-101. Adolf Collenberg  Klainguti [-Zender], Irma Koch, Felix  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: