e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Löwenstein, von
Schlatta da chavaliers grischuna. Il chastè da L. (betg attestà) è probablamain dad identifitgar - sin basa d'ina descripziun da Durich Chiampell - cun la ruina situada sin il sparun d'ina muntogna en vischinanza da S. Clau en la vischnanca da Glion. Hartwig I (menz. il 1275-1303) è stà perditga il 1275 en in act da donaziun da Walter V de Vaz en favur dal chapitel catedral da Cuira e da las claustras da Curvalda e da S. Gliezi/Cuira. Ses figl, il chavalier Hartwig II (menz. 1289-1303), ha fatg la pasch il 1289, suenter ina faida, cun il barun Heinrich de Razén. L'auter figl, il chavalier Wilhelm I. (menz. 1289-1303), è stà perditga il 1303 en in accumodament tr. Ulrich von Flums e l'uvestg da Cuira. La vopna dals von L. (culiez e chau d'utschè vieut a dretga) sugerescha ina parentella cun ils de <elirlink href="aid:593">Castelberg</elirlink> ch'èn vegnids en possess dal chastè en il 14. tschientaner.<br />
Archiv:
Ovras:
Funtaunas:
BUB.
Litteratura:
Clavadetscher/Meyer, Burgenbuch, 85.
Giorgio Girardet
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Löwenberg