e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lambert, Johann Heinrich Landarenca  Lampert, Ulrich * 12-10-1865 a Cuira, † 2-9-1947 a Friburg, ref., alura cat., da Fläsch. Figl da Bernhard, chalger, e da Catharina n. Camenisch, da Maton. &#8734; Elisa n. Kaeser, da Friburg. Gimnasi ad Engelberg, Sviz e Monza (Lumbardia), alura studi da teologia al Collegium Borromaeum a Milaun (senza ordinaziun) e da dretg a Turin, Friburg e.Br., Puntina e Würzburg (dr. iur. utr. 1895). Actuar da dretgira a Wil/SG 1890-93, redactur da gasettas da la Svizra Orientala fin il 1898. Prof. da dretg canonic, dretg public e dretg internaz. public a l'Univ. da Friburg 1898-1942, da la quala el è era stà decan (quatter giadas) e rectur 1907-08. En sias numerusas publicaziuns ha L. represchentà in antiliberalissem virulent ed ha cumbattì a rinforzar la posiziun uffiziala dal catolicissem svizzer. Confundatur e comm. dal cussegl d'administraziun da las «Freiburger Nachrichten». Confundatur da l'uniun studentica Fryburgia. Comm. da la cumissiun consultatorica dal «Codex Iuris Canonici» dal 1917. Commendatur da l'urden da chavaliers da s. Gregor il Grond (1909).</p> Archiv: Ovras: Kirche und Staat in der Schweiz, 3 ts, 1929-39. Funtaunas: Litteratura: M. Gutzwiller e.a., Ulrich L., 1865-1947: In memoriam, 1948 (cun reg. d'ovras); L. Carlen, Kirchenrecht und Kirchenrechtslehrer an der Universität Freiburg i.Ue., 1979. Adolf Collenberg  Lambert, Johann Heinrich Landarenca  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: