e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lardelli, Tommaso Largiadèr, Anton  Lareda, Thomas * 27-5-1781 a Preaz, &dagger; 25-1-1848 a Zezras, ref., da Preaz. Figl da Bernhard. &infin; Annetta n. Kindschi, da Tavau. Enturn il 1803-42 è L. stà activ sco pastizier a S. Petersburg en l'affar principal da la fam. a la Punt Alartschin. A partir dal 1811 ha el investì ina part da sia facultad a Zezras ed Eigias, nua ch'el ha cumprà funs, promovì meglieraziuns dal terren ed installà div. manufacturas, p.ex. in mulin da palpiri (oz Landqart AG). En ses testament dal 1827 n'ha el betg mo pensà a ses parents ed als paupers dal Grischun e da S. Petersburg, ma era lantschà sco emprim l'idea d'avrir d'ina scola d'agricultura en il Grischun per educar "mats e mattas privadas da meds finanzials e da far da quels umans utils". Quest project, numnà l'emprim Russhof ("il bain dal Russ"), per il qual el ha creà la Fundaziun Thomas L., è daventà il 1896 il Plantahof, la scola agricula a Landquart ch'ha prendì il num da Rudolf Alexander von Planta. L. è stà president com. da Zezras 1820-21 e landamma da la dretgira auta dals Tschintg Vitgs 1824-25.<br />  Archiv: Ovras: Funtaunas: Litteratura: R. Hartmann, Der Russ am Igiser Mühlbach, en: Bü. Kal., 1995, 70-76; Bühler, Bündner im Russischen Reich, 445-48. Roman Bühler  Lardelli, Tommaso Largiadèr, Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: