e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lareda, Thomas Largiadèr, Anton Philipp  Largiadèr, Anton * 17-5-1893 a Wintertur, † 22-1-1974 a Turitg, ref., da Sta. Maria en Val Müstair e da Turitg (a partir dal 1930). Figl da Fritz, inschigner e docent al Tecnicum da Wintertur, e da Maria n. Bodmer, ina descendenta da Johann Jakob Bodmer (1698-1783). &#8734; 1929 Lydia n. Reinhart, figlia da Paul, commerziant (interpresa commerziala Paul Reinhart &amp; Cie., Wintertur). Gimnasi litterar a Turitg, alura studi d'istorgia a l'Univ. da Turitg (1913-19), promoziun 1919. Mag. gimnasial, archivar chant. da Turitg 1931-58. L. è s'engaschà surtut per il mantegniment dals archivs communals. Docent privat d'istorgia medievala (1931), en uffizi accessoric prof. eo. da scienzas auxiliaras da l'istorgia e da l'istorgia chant. turitgaisa a l'Univ. da Turitg (1944). Pres. dal curatori da la Fundaziun Pius per la perscrutaziun dals doc. pontificals e da l'istorgia medievala 1953-69. L'ovra editoriala principala da L. è la publicaziun, en furma da regests, da tut ils doc. pontificals en Svizra dal 1198 al 1417. Sco archivar chant. ha el promovì o.t. il mantegniment dals archivs communals.<br /> </p> Archiv: StAZH, relasch. Ovras: Bürgermeister Rudolf Brun und die Zürcher Revolution von 1336, 1936; Geschichte von Stadt und Landschaft Zürich, 2 ts, 1945; 200 ons libertà Val Müstair, (1762 - 1962), 1962; Zur Geschichte des Benediktinerinnenklosters St. Johann in Münster/Müstair, Graubünden, 1964. Funtaunas: Litteratura: Archivalia et historica, edì da D. Schwarz, W. Schnyder, 1958; Archivalische Zeitschrift, 71/1975, 75-78; D. Schwarz, Anton L., en: Zürcher Taschenbuch 1977, 1976, 108-19. Martin Illi  Lareda, Thomas Largiadèr, Anton Philipp  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: